15 жнiўня 2020, Субота, 19:30
Сім сім, Хартыя 97!
Рубрыкі

«Цярпенне лопнула, на Плошчу выйду з дзецьмі»

8
«Цярпенне лопнула, на Плошчу выйду з дзецьмі»
ФОТА: ТАСС

Крык душы жыхаркі Воршы.

Урывак з ліста чытачкі з Воршы апублікаваў тэлеграм-канал «Баста!»

«Муж памёр 4 гады таму, засталася адна з двума дзецьмі, - піша яна. - Хачу расказаць пра тое, як даводзіцца выжываць маці-адзіночцы.

Атрымала за травень заробак на рукі 450 рублёў плюс «дапамога» ад дзяржавы, але я гэтую так званую дапамогу нават агучваць не буду.

А цяпер лічым. Камуналка плюс тэлефоны і інтэрнэт - 130 рублёў. Дзяцей на лета апрануць і абуць - 250 рублёў. Ежа, тут усё ў нас наогул сціпла апошні год, таму - 200 рублёў.

Праязны прыблізна 45 рублёў. Нейкія розныя бытавыя выдаткі 50 рублёў

Разам: 675 рублёў я выдаткавала з 450, гэта значыць для таго, каб банальна выжыць я ўлезла ў пазыку 225 рублёў.

І гэта яшчэ лёгкі варыянт, таму што ёсць рэальна людзі, якія адмаўляюць сабе ў вельмі многім, каб проста выжыць.

Да якой пары гэта «сацыяльная дзяржава» на чале з падманшчыкам і злодзеем будзе яшчэ з нас здзекавацца? Наша цярпенне не гумовае, маё так ужо дакладна лопнула, і калі ўся краіна будзе выходзіць на Плошчу, я таксама выйду, выйду з дзецьмі. Ні мне, ні ім нічога не свеціць, калі ён яшчэ на пяць гадоў застанецца. Падумайце пра гэта тыя, хто збіраецца сядзець дома або абараняць злодзея, які скраў у нас 26 гадоў жыцця».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю вольнай Беларусі.