Цапкала паабяцаў вывесці ўладу на чыстую ваду: Распавяду пра карупцыю і афшоры
108- 16.07.2020, 19:08
- 191,617
Карупцыйныя схемы ствараў сам Лукашэнка.
Незарэгістраваны ў якасці кандыдата ў прэзідэнты Валерый Цапкала паабяцаў раскрыць схемы карупцыі і распавесці пра афшоры ўлады.
У эфіры «Эхо Москвы» ён заявіў, што ў яго ёсць факты злачыннай дзейнасці ў вышэйшых эшалонах улады.
«Я буду зараз пачынаць агучваць. Я буду цяпер паказваць, як працуе сістэма ў нашай краіне, як працуе карупцыя, як у нас раздаюцца ўчасткі зямлі сябрам бясплатна, як у нас ствараюцца структуры з афшорнымі рознымі схемамі», - прыводзіць словы былога кіраўніка ПВТ naviny.by.
З ягоных слоў, «менавіта ўлада гэта ўсё стварае».
Таксама ён адзначыў, што, «натуральна, буду фармаваць нейкую пазітывісцкую праграму таксама, гэта бясспрэчна».