Рада Беларускага Нацыянальнага Кангрэсу патрабуе неадкладнага вызвалення Мікалая Статкевіча
8- 2.07.2020, 12:50
- 29,149
Уладу - народу!
Заява Беларускага Нацыянальнага Кангрэсу з патрабаваннем вызвалення вязняў сумлення была атрымана рэдакцыяй Charter97.org 1 ліпеня:
- нелегітымнымі кіраўнік краіны Аляксандр Лукашэнка пачаў новую хвалю гвалту, якая пагражае здароўю і жыццю грамадзян Беларусі. З выкарыстаннем праваахоўных органаў чыняцца рэпрэсіі не толькі супраць палітычных апанентаў Лукашэнкі, але і іх прыхільнікаў і ўсёй беларускай дэмакратычнай супольнасці і беларускага народа. Рэпрэсіі скіраваныя на здушэнне волевыяўлення грамадзян падчас палітычнай кампаніі, звязанай з так званымі выбарамі 2020 года.
Сярод сотняў людзей, якія былі неабгрунтавана аштрафаваныя, арыштаваныя і кінутыя ў турму - лідар Беларускага Нацыянальнага Кангрэсу Мікалай Статкевіч. Двойчы за месяц асуджаны за адміністрацыйныя справы, ён знаходзіцца ў турме, дзе супраць яго распачатая яшчэ і сфабрыкаваная крымінальная справа, паводле якой яму пагражае да трох гадоў турмы.
Беларускі нацыянальны кангрэс патрабуе неадкладнага вызвалення Мікалая Статкевіча! Мы патрабуем вызвалення Паўла Севярынца, Сяргея Ціханоўскага, Віктара Бабарыкі, усіх незаконна, з выкарыстаннем цынічных правакацыяў, зняволеных у турму грамадзян! Мы патрабуем спыніць рэпрэсіі!
Уладу - народу!
Жыве Беларусь!