29 сакавiка 2024, Пятніца, 12:35
Падтрымайце
сайт
Сім сім,
Хартыя 97!
Рубрыкі

Святлана Ціханоўская сабрала стадыён у Маладзечне (відэа, онлайн)

23
Святлана Ціханоўская сабрала стадыён у Маладзечне (відэа, онлайн)
ФОТА: «НАША НІВА»

Прыйшлі больш за пяць тысяч чалавек.

Аб'яднаны штаб кандыдаткі ў прэзідэнты Святланы Ціханоўскай правёў мітынг у Маладзечне. Акцыя прайшла на стадыёне на вуліцы Машэрава.

Нагадаем, сёння ўжо прайшла акцыя ў Смаргоні, якая сабрала больш за тысячу чалавек.

17:17 Мітынг у Маладзечне падыходзіць да канца. Наперадзе ў аб'яднанага штаба яшчэ адзін горад - Ліда. Сустрэча адбудзецца а 19:00.

17:12 Тысячы маладзечанцаў і ўзрушаючая падтрымка!

17:11 Гучыць песня «Разбуры муры», якую запісаў Сяргей Ціханоўскі з беларускімі музыкамі.

17:09 «Уся Беларусь стаіць на гістарычным скрыжаванні. Нам трэба зрабіць выбар. Калі мы выбіраем новую Беларусь - мы павінны падтрымаць Святлану Ціханоўскую», - кажа Вераніка Цапкала.

17:05 Вераніка Цапкала заклікала ўлады вызваліць палітычных і эканамічных зняволеных. Тысячы маладзечанцаў скандуюць «Свабоду!»

Фотa: «Наша Ніва»

16:55 Выступ пачала жонка і прадстаўніца штаба b<Валерыя Цапкалы Вераніка Цапкала: «Мы не перастаём захапляцца вамі, калі бачым, колькі людзей прыйшлі на нашу акцыю».

16:52 «Мы павінны браць адказнасць за сваю краіну для сябе. Ніхто за нас не зробіць», — Марыя Калеснікава заклікала людзей быць больш актыўнымі.

16:46 «Мы людзі, якія самі вызначаюць свой лёс. Усё пройдзе і застанецца толькі добрае», - Марыя Калеснікава зачытала ўрывак ліста Віктара Бабарыкі з СІЗА.

16:44 Марыя Калеснікава распавядае, як моцна яе натхніла, калі людзі выйшлі на вуліцы пасля затрымання Віктара Бабарыкі і адмовы ў ягонай рэгістрацыі: «Мы дойдзем да перамогі! Мы зможам!»

16:42 Як выглядае мітынг Светланы Ціханоўскай з трыбун. Відэа «Нашай Нівы».

16:41 Прадстаўніца штаба Віктара Бабарыкі Марыя Калеснікава - жыхарам Маладзечна: «Мы ганарымся вамі, бярэм з вас прыклад». Таксама яна нагадала пра гісторыю, калі на заводзе Маладзечна кавалак мыла ў прыбіральні прывязалі вяроўкай да крана.

16:38 «Адзін за ўсіх і ўсе за аднаго!», - людзі рэагуюць на словы Святланы Ціханоўскай аб тым, што ў яе ў сям'і заўсёды была вялікая падтрымка і яна хоча, каб такая ж падтрымка была і сярод беларусаў.

ФОТА: «БЕЛСАТ»

16:33 «Мы будуем новую краіну! Толькі ўсе разам мы можам усё пераадолець і перамагчы», - Святлана Ціханоўская заканчвае свой выступ.

ФОТА: «БЕЛСАТ»

16:29 Тысячы жыхароў Маладзечна скандуюць «Пераменаў!»

16:27 Святлана Ціханоўская — сілавікам: «Узгадайце, як раней людзі ганарыліся нашай міліцыяй. Выходзьце з бруду і становіцеся на бок святла»

ФОТА: «НАША НІВА»

16:22 У Маладзечне ўжо больш за 5000 на акцыі.

16:20 Частка людзей сабралася не толькі перад імправізаванай сцэнай, але і на трыбуне.

16:19 «Мілыя мае бабулі, не бойцеся. Не бойцеся за свае пенсіі. Гэтыя пенсіі плаціць вам не кіраўнік дзяржавы, а плацім усе мы. Яны не паменшацца», - звярнулася да пенсіянераў Святлана Ціханоўская.

Яна заклікала распавядаць аб пераменах сваім аднагодкам-суседзям, сябрам і блізкім.

16:13 Шэраг СМІ і Telegram-каналаў паведамляў пра тое, што ўлады загналі на мітынг калону бюджэтнікаў, якая павінна будзе сысці па сігнале падчас пачатку выступу Ціханоўскай. Святлана Ціханоўская звярнулася да гэтых людзей са словамі: «Дзякуй, што вы прыйшлі. Спадзяюся, што ваша меркаванне зменіцца!»

16:12 Кіламетровая чарга! Вядоўца жартуе, што сёння выступ будзе не толькі для стадыёна, але і для тых, хто знаходзіцца за яго межамі.

Фотa: «Радыё Свабода»

16:10 Прадстаўніцы аб'яднальнага штаба з'яўляюцца пад песню «Разбуры муры!» Вельмі цёплы прыём ад Маладзечна!

16:06 Вядоўца аб'яднанага штаба заявіў, што на акцыі ўжо амаль тры тысячы чалавек. Цалкам магчыма, людзей становіцца ўсё больш.

16:01 Людзі на стадыёне пляскаюць у ладкі сотням маладзечанцаў, якія стаяць у чарзе.

16:00 Жыхары Маладзечна проста малайцы! Здзіўляе колькасць людзей, якія выйшлі ў працоўны дзень.

15:55 Прадстаўнікі «сумленных людзей» заклікаюць людзей не галасаваць датэрмінова і змагацца за свае галасы.

15:51 Уражальная чарга да стадыёна. Тут, прынамсі, некалькі сотняў.

15:50 «Сваёй прысутнасцю мы выказваем меркаванне большасці. Лукашэнка сябе зжыў», - распавядае паджылы жыхар Маладзечна.

15:44 Вельмі шмат людзей у Маладзечне, нягледзячы на працоўны дзень.

ФОТА: «НАША НІВА»
ФОТА: «НАША НІВА»

15:36 «Хацелася б, каб гарады былі для людзей, а не для парадаў», - жыхар Маладзечна распавёў, якіх пераменаў ён чакае.

ФОТА: «НАША НІВА»

15:31 Сотні людзей на ўваходзе. Сёння відавочна будзе аншлаг!

15:30 На ўваходзе маладзечанцам раздаюць бел-чырвона-белыя сцягі. Сёння будзе шмат нацыянальнай сімволікі.

15:27 Некалькі сотняў людзей на падыходах да стадыёна. Маладзечна традыцыйна ўважаецца за надта палітызаваны горад. У 90-я «горадам сонца» кіраваў адзін з самых моцных спаборнікаў Лукашэнкі Генадзь Карпенка. Вельмі шмат людзей выходзіла і на акцыі супраць закона аб «дармаедах» у 2017 годзе.

15:25 Людзі пачалі збірацца загадзя. Вось столькі людзей было за паўгадзіны да пачатку акцыі.

Напісаць каментар 23

Таксама сачыце за акаўнтамі Charter97.org у сацыяльных сетках