Дзясяткі чалавек у цэнтры Берасця спяваюць «Пераменаў!» Цоя: Відэа ўражвае

Як жыхары горада падтрымалі Флэшмоб салідарнасці.

Берасцейцы былі асабліва актыўнымі падчас учорашняга Флэшмобу салідарнасці. Жыхары горада выйшлі на стыхійную акцыю пратэсту, а таксама праспявалі ў цэнтры Берасця «Пераменаў!» Цоя, паведаміў Charter97.org чытач.

Беларускія блогеры і актывісты прапанавалі праводзіць Флэшмоб салідарнасці. Мэта акцыі – падтрымаць медыкаў, якія змагаюцца за нашыя жыцці, і герояў, якія цяпер знаходзяцца за кратамі.

Штодня а 19-й на знак салідарнасці адчыняем вокны кватэраў, выходзім на гаўбцы, пляскаем, грукаем у рондалі або ўключаем музыку. Усяго 2 хвіліны – але кожны дзень і да перамогі!