Дэсантнік: Сярод вайскоўцаў шмат тых, хто не падтрымлівае рэжым і хоча пераменаў

Дэсантнік з 38-й брыгады прыйшоў на мітынг у Берасці з бел-чырвона-белым сцягам.

Кандыдатка ў прэзідэнты Беларусі Святлана Ціханоўская з прадстаўнікамі штаба правяла агітацыйны мітынг у Берасці, у якім узялі ўдзел больш за 20 тысяч чалавек.

Характэрна, што многія дэсантнікі вызначылі адзначыць сваё прафесійнае свята наведваннем мітынгаў за Святлану Ціханоўскую, у тым ліку і ў Берасці.

Як распавёў дэсантнік з 38-й брыгады, які прыйшоў на мітынг з бел-чырвона-белым сцягам:

- Радуе, што так шмат людзей прыйшло! Сярод вайскоўцаў шмат такіх, хто не падтрымлівае рэжым і хоча пераменаў. Я бачыў шмат таварышаў па службе, якія вельмі хочуць змены ўлады. Настрой бадзёры. Яшчэ нават да прыезду Святланы на мітынг адчувалася, як народ яе падтрымлівае.