Stratfor: Пратэсты ў Беларусі могуць стацца прычынай змены рэжыму

Сітуацыя ў краіне унікальная.

Амерыканскае аналітычнае выданне Stratfor (пераклад - inosmi.ru) мяркуе, што прэзідэнцкія выбараў у Беларусі будуць мець «значныя наступствы».

Чакаецца, што на фоне росту апазіцыйных рухаў вынікі прэзідэнцкіх выбараў 9 жніўня будуць аспрэчаныя, піша выданне.

Магчыма пратэсты супраць іх вынікаў паставяць пад сумнеў уладу Лукашэнкі і нават могуць стацца зменай рэжыму.

Гарачая палітычная бітва

Сваімі дзеяннямі супраць палітычных актывістаў Лукашэнка ўмацаваў падтрымку апазіцыйных кандыдатаў. Адмова ў рэгістрацыі кандыдатаў з'яднала апазіцыю вакол Святланы Ціханоўскай, галоўнай апаненткі Лукашэнкі на будучых выбарах. Папулярнасці ёй дадалі няправільная рэакцыя ўрада на ўспышку COVID-19, якая абярнулася эканамічным крызісам, а таксама захоўваецца ўстурбаванасць праз спробы Лукашэнкі абмежаваць палітычныя свабоды.

Умяшальніцтва ўладаў у «падлік галасоў» падагрэе жорсткія пратэсты і непрыманне іх вынікаў.

Кандыдаты ад апазіцыі заклікаюць выбарцаў забяспечыць высокі прыход, каб зрабіць фальсіфікацыю галасоў відавочнай. Яны таксама рыхтуюць беларускае насельніцтва да таго, каб бараніць свае галасы пасля выбараў. Беларускія выбары 2006 года скончыліся пратэстамі. Падзеі 2006 года, якія ахрысцілі «джынсавай рэвалюцыяй» могуць паўтарыцца пасля выбараў 9 жніўня. Гэтым разам, аднак, незадаволенасць можа перарасці ў больш маштабныя дэманстрацыі, улічваючы актыўнасць апазіцыі і шматлюднасць яе мітынгаў.

Ці вытрымае Лукашэнка будучы раўнд пратэстаў пасля выбараў - пытанне спрэчнае. Таксама застаецца незразумелым, ці зможа ён забяспечыць лаяльнасць сіл бяспекі.