Майк Пампеа: Пратэсты беларусаў па-сапраўднаму нас уражваюць

Дзяржсакратар ЗША заклікаў усе краіны, асабліва Расею, паважаць суверэнітэт Беларусі.

Дзяржсакратар ЗША Майк Пампеа заклікаў усе краіны, асабліва Расею, паважаць суверэнітэт Беларусі.

Пра гэта ён заявіў на брыфінгу ў Вашынгтоне паводле вынікаў сустрэчы з міністрам замежных спраў Вялікабрытаніі Дамінікам Раабам.

«Мы таксама абмеркавалі неабходнасць для ўсіх краін, асабліва Расеі, паважаць суверэнітэт Беларусі. Пратэсты беларусаў супраць сфальсіфікаваных вынікаў выбараў па-сапраўднаму нас уражваюць. Гвалт супраць іх [дэманстрантаў] павінны спыніцца», - заявіў Пампеа.

Пампеа таксама заклікаў беларускія ўлады вызваліць грамадзяніна ЗША Віталя Шклярава.

Дзяржсакратар ЗША дадаў, што ЗША і еўрапейскія партнёры працуюць над санкцыямі ў дачыненні да беларускага рэжыму.