Сёння Польшча адкрыла межы для беларусаў

З 17 верасня можна ўязджаць у краіну з турыстычнай візай, але з праходжаннем карантыну.

Памежная служба Польшчы апублікавала вялікі бюлетэнь, у якім тлумачыць парадак праходжання сваёй мяжы. Там жа тлумачыцца, хто можа ўехаць у краіну. 18-ы пункт паведамляе, што з 17 верасня гэтага года гэта і «грамадзяне Рэспублікі Беларусь, якія перасякаюць мяжу Рэспублікі Польшча на падставе візы, выдадзенай у турыстычных мэтах», піша «Онлайнер».

Польскія памежнікі паведамляюць, што праверкі на ўнутраных межах не праводзяцца з сярэдзіны чэрвеня. Гэта таксама азначае скасаванне санітарнага кантролю і адсутнасць карантынных абавязанняў. Абмежаванні, у тым ліку абмежаванні на ўезд замежнікаў у Польшчу і карантын, усё яшчэ дзейнічаюць на польскай мяжы, якая таксама з'яўляецца вонкавай мяжой ЕЗ. У бюлетэні тлумачыцца, дзе можна перасекчы мяжу з Расеяй, Беларуссю і Украінай. Мяжу з Беларуссю - у «Кузніцы», «Баброўніках» і «Тэрэспалі».

Аднак грамадзян Беларусі з турыстычнай візай пакуль няма ў спісе асоб, якім пасля ўезду ў Польшчу не трэба адбываць карантын. Такім чынам, патрапіўшы ў краіну, турысты павінны будуць правесці самаізаляцыю. У Польшчы яна доўжыцца не больш за 10 дзён.