Марыя Калеснікава: Воля вартая таго, каб за яе змагацца

Прадстаўніца штаба Віктара Бабарыкі перадала паведамленне беларусам.

Марыя Калеснікава перадала паведамленне беларусам, піша афіцыйны тэлеграм-канал выбарчага штаба Віктара Бабарыкі.

Марыя Калеснікава расказала, што «сумуе па гарачых і шчаслівых вачох беларусаў і перадае ўсім прывітанне».

«Воля вартая таго, каб за яе змагацца. Не бойцеся быць свабоднымі! Моцна абдымаю і люблю. Вялікі дзякуй сям'і, сябрам, блізкім і ўсім, хто нас падтрымлівае. Дзякуй міжнароднай супольнасці і культурнай супольнасці за падтрымку і салідарнасць.

Я шчаслівая быць беларускай. Вы неверагодныя! Я ні пра што не шкадую і паступіла б таксама», – паведаміла Марыя Калеснікава.

Нагадаем, што прадстаўніцы штаба Віктара Бабарыкі Марыі Калеснікавай 16 верасня было высунутае абвінавачванне паводле ч.3 арт.361 (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь, учыненыя з выкарыстаннем СМІ і сетцы інтэрнэт) Крымінальнага кодэкса Рэспублікі Беларусь, паведамляе Следчы камітэт. Яна знаходзіцца пад вартай. Расследаванне прадаўжаецца.

Раніцай 7 верасня ў Менску людзі ў масках пасадзілі яе ў мікрааўтобус з надпісам «Сувязь».

9 верасня Марыю Калеснікаву знайшлі ў СІЗА №1 Менска.

11 верасня Калеснікава перавялі ў следчы ізалятар у Жодзіне.