Ілан Маск захацеў стварыць кітайскі дызайн Tesla

Кітай з'яўляецца найбуйнейшым у свеце рынкам электрамабіляў.

Кампанія Tesla Ілана Маска шукае дырэктара дызайна для стварэння электрамабіля ў Кітаі. Кіраўнік аўтагіганта хоча арганізаваць у Шанхаі або Пекіне праектна-канструктарскі цэнтр. Там будуць распрацоўвацца электрамабілі спецыяльна для кітайскіх спажыўцоў, піша Reuters.

Мэнэджары персаналу шукаюць людзей, знаёмых з кітайскай і амерыканскай культурай, а таксама маюць мінімум 20 гадоў досведу ў дызайне. Паводле кансалтынгавай кампаніі LMC Automotive, Кітай з'яўляецца найбуйнейшым у свеце рынкам электрамабіляў. Чакаецца, што сёлета аб'ём продажаў дасягне прыкладна 1,5 мільёна аўтамабіляў. Гэта таксама другі рынак для Tesla пасля ЗША.

Летась кітайскія спажыўцы купілі блізу 145 тысяч аўтамабіляў Tesla, што складае прыкладна траціну ад агульнага аб'ёму продажаў кампаніі ў свеце.

Раней стала вядома, што Маск, які стаў самым багатым чалавекам у свеце, наважыў прадаць усю маёмасць дзеля засялення Марса. Прадпрымальнік патлумачыў, што будаўніцтва горада на іншай планеце запатрабуе значных укладанняў.