Трамп адкрыў у Фларыдзе «офіс былога прэзідэнта»

Экс-прэзідэнт ЗША не з'яўляўся на публіцы з дня інаўгурацыі Джо Байдэна.

Дональд Трамп адкрыў свой офіс у Фларыдзе. У прэс-рэлізе яго называюць «офісам былога прэзідэнта».

Пра гэта паведамляе Fox News.

Ён будзе займацца карэспандэнцыяй, публічнымі заявамі і выступамі Трампа.

«Прэзідэнт Трамп з гэтага часу і назаўсёды будзе абаронцам амерыканскага народа», - гаворыцца ў заяве.

Трамп не з'яўляецца на публіцы з дня інаўгурацыі Джо Байдэна 20 студзеня.

У той дзень ён адправіўся з Белага дома ў Фларыду. 8 лютага ў Сенаце пачнецца разгляд пытання аб імпічменце 45-му прэзідэнту. Яго абвінавачваюць у падбухторванні да мяцяжу.

Раней паведамлялася, што Дональд Трамп абмяркоўваў са сваімі паплечнікамі магчымасць стварэння новай палітычнай партыі. Ён нібыта прапанаваў яе назваць «Патрыятычнай партыяй». Аднак пазней гэтую інфармацыю зняпраўдзілі.

Нагадаем, 45-ы прэзідэнт ЗША Дональд Трамп на днях упершыню звярнуўся да журналістаў. Палітык адказаў на пытанне, што будзе рабіць далей пасля заканчэння свайго прэзідэнцкага тэрміну.