Гэта і ёсць забастоўка!

На ўсе пытанні кіраўніцтва можна адказваць проста: «Я не змог даехаць да працы».

З'явілася інфармацыя аб тым, што ў Жодзіне - недахоп кіроўцаў аўтобусаў, прынамсі, не стае 18 кіроўцаў, без уліку тых (амаль 10), што хварэюць на каранавірус.

Недахоп кіроўцаў аўтобусаў сустракаецца і ў іншых гарадах, паведамляе канал «Беларускага аб'яднання працоўных» (БАР). Але давайце разбяромся, ці праблема гэта.

Акрамя таго, што па факце гэта і ёсць паўнавартасная забастоўка кіроўцаў грамадскага транспарту, гэта:

Паказальны прыклад, што адмова ад працы і знаходжанне дома пад усякай падставай (напрыклад, вы кажаце начальству, што захварэлі на каранавірус) - гэта моцны ўдар па прадпрыемстве, на якім вы працуеце.

Прыклад стаўлення кіраўніцтва да падначаленых. Яны з самага пачатку заплюшчылі вочы на захады бяспекі, давёўшы сітуацыю да абсурду. І цяпер, калі становішча спраў з кіроўцамі блізкае да крытычнага, на кіроўцаў, якія яшчэ ў стане выходзіць на рэйсы, кладзецца каласальная нагрузка. Не здзівімся, калі сітуацыя будзе пагаршацца.

Рэальная магчымасць не ехаць на працу і застацца дома. На ўсе абурэнні кіраўніцтва можна адказваць проста: «Я не змог даехаць да працы».

Працоўныя Беларусі, не важна, ці думаеце вы, што ваша прадпрыемства ключавое ў дзяржаве ці не. Важнае ўсведамленне таго, што ваша будучыня толькі ў вашых руках. Здароўе вас і вашых блізкіх залежыць толькі ад вас.

Рыхтуйцеся застацца дома ўсёй сям'ёй. Закупляйце прадукты, адкладайце фінансавую падушку бяспекі, праверце аптэчкі.

Стачцы быць!