Работнікі транспарту заклікалі да байкоту афіцыйных прафсаюзаў
4- 3.12.2021, 14:18
- 14,236
Прыйшоў час аб'яднацца.
Telegram-канал «ТРБ Транспарт Рэспублікі Беларусь» апублікаваў зварот да беларускіх транспартнікаў. Работнікаў гэтай сферы заклікаюць байкатаваць афіцыйныя прафсаюзы:
- На Беларускай чыгунцы, у Метрапалітэне, на «Белавія» ідуць поўнамаштабныя зачысткі. Звальняюць усіх, хто калісьці засвяціўся на мітынгах, хто нелаяльны да кіраўніцтва.
На іх месца бяруць лаяльных, альбо ўвогуле скарачаюць працоўныя месцы і расфармоўваюць аддзелы, брыгады, службы.
Але лукашысты павінны разумець, што нават тыя, што падаюцца лаяльнымі, ненавідзяць рэжым. І ўсіх вы не звольніце.
Прыйшоў час аб'яднацца, цэхамі, брыгадамі, аддзеламі, прадпрыемствамі і сказаць «не» незаконным звальненням і «не» прадажным прафсаюзам, якія моўчкі сядзяць, пакуль звальняюць людзей.
Мы абвяшчаем байкот усім навагоднім мерапрыемствам, усім паездкам, усім мерапрыемствам, якія арганізуюць прафсаюзы. Няхай прафсаюзы прадаўжаюць дапамагаць мігрантам і рэжыму. Гэта выдатная нагода, каб напісаць заяву на выхад з прафсаюза, калі вы дагэтуль там і гэтага не зрабілі!