У размове Байдэна і Пуціна ўзнімалася пытанне і пра сітуацыю ў Беларусі.

Вашынгтон намагае на далейшым абмеркаванні гэтай праблемы з Масквой.

На перагаворах прэзідэнтаў ЗША і Расеі Джо Байдэна і Уладзіміра Пуціна ўзнімалася пытанне і аб сітуацыі ў Беларусі.

Пра гэта расказала прэс-сакратар Дзярждэпартамента ЗША Вікторыя Нуланд, паведамляе ТАСС.

- У больш шырокім сэнсе, прэзідэнт Байдэн па-ранейшаму мяркуе, што больш стабільныя і прадказальныя стасункі паміж ЗША і Расеяй у інтарэсах абедзвюх краін, - сказала Нуланд. - У нас па-ранейшаму будуць сур'ёзныя супярэчнасці з Крамлём у пытаннях правоў чалавека, абыходжання з Навальным, свабоды прэсы і НДА, Беларусі, кібер-пагроз, умяшання ў выбары, затрымання амерыканскіх грамадзян, персаналу амбасадаў і шмат чаго іншага. Прэзідэнт Байдэн узнімаў і будзе працягваць узнімаць усе гэтыя пытанні з прэзідэнтам Пуціным.

Перамовы Байдэн і Пуцін прайшлі 7 снежня. Гэта былі першыя з чэрвеня перамовы, на якіх адной з ключавых стала тэма магчымага расейскага ўварвання на Украіну.

Сустрэча прайшла праз відэасувязь і працягвалася блізу дзвюх гадзін. Перамовы праходзілі ў закрытым рэжыме, журналістам паказалі толькі іх пачатак.