Навукоўцы: У старажытнасці піва было падобнае на кашу

Пенны напой відавочна адрозніваўся ад сучаснага.

Міжнародная група навукоўцаў на чале з супрацоўнікамі Дэпартамента антрапалогіі Дартмуцкага каледжа ЗША прааналізавалі фрагменты глінянага посуду, знойдзенага ў Іераканпалі — комплексе старажытнаегіпецкіх помнікаў на заходнім беразе Нілу ў Верхнім Егіпце, піша «Вокруг света».

Навукоўцы выявілі рэшткі піва ў пяці вялікіх чыгунах з плоскім дном, якія, імаверна, выкарыстоўваліся для перавозкі прадукту оптам. У чатырох сасудах меншых памераў, падобных на сучасныя шклянкі, таксама былі знойдзены піўныя сляды.

Кераміка датуецца перыядам паміж 3800 і 3600 гадамі да нашай эры, прыкладна за 600 гадоў да часоў праўлення першага егіпецкага фараона Нармера. Ён уважаецца за заснавальніка Першай дынастыі і першага цара аб'яднанага Егіпта.

Навукоўцы выкарыстоўвалі метад, званы аналізам рэшткаў мікрафасілій (выкапні рэшткаў мікраарганізмаў або сляды іх жыццядзейнасці). З яго дапамогай даследнікі выявілі на кераміцы гранулы крухмалу, дражджавыя клеткі і невялікую колькасць фіталітаў - маленечкіх структур у тканках раслін, якія застаюцца нават пасля раскладання астатняй часткі расліны. Яны таксама знайшлі малюсенькія крышталі «піўных камянёў», таксама вядомых як аксалат кальцыю - від шумавіння, утворанага хімічнымі рэакцыямі, якія нават сёння з'яўляюцца бядой півавараў.

Раслінны матэрыял у астатку меркаваў, што піўное сусла было прафільтраванае для выдалення шалупіння злакаў. Навукоўцы таксама выявілі довазы пашкоджання крухмалу - камбінаванага выніку саладжэння і зацірання ў пачатку піваварства. Гэты працэс рэдка сустракаецца ў іншых тэхналогіях апрацоўкі харчовых прадуктаў, што відавочна ўказвае на прысутнасць піва.

Агулам аналіз паказаў, што старажытнаегіпецкае піва было хутчэй хмельнай кашай, чым напоем. Гэта была густая страва ў асноўным з пшаніцы, ячменю і травы, хутчэй за ўсё каламутная, салодкая і з нізкім змяшчэннем алкаголю.

Навукоўцы падкрэсліваюць, што вытворчасць піва, імаверна, садзейнічала эканамічнай і ідэалагічнай інтэграцыі грамадства, узвышэнню эліты і аб'яднанню Егіпта. Піва было не проста асноўным прадуктам харчавання, але «сімвалам статусу і ўлады», важным элементам у элітных баляваннях і пахавальных рытуалах «у гэтым жыцці і ў наступным».

Да цяперашняга часу ў Іераканпалі выяўлена больш за дзясятак старажытных піваварняў, хоць поўная інфармацыя аб рэцэптах з'яўляецца «прадметам даследаванняў, якія прадаўжаюцца».