У студзені ў Менску на чвэрць скараціліся пасажырскія перавозкі

У чым прычына?

Пасажырскія перавозкі ў Менску ў студзені 2021 года скараціліся на 25,9% і склалі 49,2 млн чалавек, сведчаць звесткі галоўнай статыстычнай управы сталіцы, піша сайт naviny.by.

Паводле інфармацыі выдання, за першы месяц 2021 года аўтобусныя перавозкі скараціліся на 24,6% да 19,7 млн чалавек, перавозкі электрычным транспартам і метрапалітэнам - на 26,3% да 29,4 млн.

Перавозкі паветраным транспартам зменшыліся на 71,8% да 0,1 млн чалавек.

Як паведамлялася, пасажырскія перавозкі ў Менску ў 2020 годзе скараціліся на 22,2% да 2019 года да 629,2 млн чалавек,

Экспэрты звязваюць зніжэнне пасажыраплыні з тым, што шмат хто працуе выдалена ў сувязі з пандэміяй каранавіруса, а таксама з павелічэннем колькасці асабістага аўтатранспарту.