Андрэй Суздальцаў: Спакойнага жыцця ў Лукашэнкі не будзе

Вясной пачнецца другая хваля вулічных выступаў.

Пра гэта выданню ukraina.ru заявіў расейскі палітолаг Андрэй Суздальцаў:

- Я, вядома, думаю, што сітуацыя будзе захоўвацца вельмі складаная, бо беларускі народ у гэтым плане вельмі злапомны, ён усё памятае. Я не выключаю, што вясной пачнецца другая хваля вулічных пратэстаў, больш жорсткіх. Мы назіраем, што актыўна развіваецца падполле, там ёсць актывісты, якія настроеныя на жорсткае супрацьстаянне з уладамі, гэта такая структура супраціву.

Улады гэтага баяцца, асцерагаюцца і спрабуюць вось гэтую хвалю вясновую спыніць. Але спакойнага жыцця ў Лукашэнкі не будзе.