Дзель вымушаных эканоміць расейцаў падскочыла да 70%

Наступствы пандэміі COVID-19 для эканомікі Расеі.

Амаль 70% спажыўцоў у Расеі вымушаныя сачыць за выдаткамі і эканоміць у сувязі з наступствамі пандэміі. Пра гэта гаворыцца ў даследаванні NielsenIQ, піша сайт tass.ru

«Са звестак новага глабальнага даследавання NielsenIQ (раней Nielsen), колькасць расейскіх спажыўцоў, якія фінансава пацярпелі ад наступстваў пандэміі COVID-19, падвоілася з верасня 2020 года да студзеня 2021, дасягнуўшы 53% (+26 п.п.). Разам з тым нават сярод 47% спажыўцоў, якія не сутыкнуліся з памяншэннем даходаў выкліканым COVID-19, 16% сталі больш уважліва кантраляваць выдаткі грошай. Такім чынам, сем з дзесяці (69%) спажыўцоў у Расеі апынуліся вымушаныя сачыць за выдаткамі і эканоміць», - гаворыцца ў даследаванні.

Акрамя таго, падчас даследавання высветлілася, што чатыры з дзесяці (38%) апытаных спажыўцоў у Расеі не адчуваюць упэўненасці ў сваім фінансавым становішчы, калі негатыўны ўплыў пандэміі захаваецца найбліжэйшыя 3-6 месяцаў - гэта будзе самы высокі паказчык сярод еўрапейскіх краін, у якіх праходзіла даследаванне.

Як адзначае дырэктар у працы з рэтэйлер NielsenIQ у Расеі Канстанцін Локцеў, трансфармацыя попыту і палярызацыя пакупніцкіх выдаткаў працягнецца найбліжэйшым часам. «Пандэмія COVID-19 па-рознаму паўплывала на пакупніцкую здольнасць розных груп спажыўцоў, у найбліжэйшай перспектыве мы працягнем назіраць трансфармацыю попыту і палярызацыю пакупніцкіх выдаткаў. Рынак FMCG (fast moving consumer goods - заўв. Рэд.) апынуўся сярод нешматлікага спісу індустрый, якім удалося паказаць рост за 2020 год. Нягледзячы на запаволенне дынамікі ў параўнанні з 2019 годам, продажы тавараў паўсядзённага попыту выраслі ў Расеі на 3% у грашовым вылічэнні. Аднак з улікам нізкай пакупніцкай актыўнасці і пераключэння ў рэжым эканоміі вялікай групы спажыўцоў у 2021 годзе спажыванне ў натуральным вымярэнні працягне стагнаваць, а рост рынку ў вартасным вылічэнні будзе стымуляваць толькі нізкі ўзровень інфляцыі», - падаюць у даследаванні словы Локцева.

Тактыка спажыўцоў

Паводле даследавання, у мэтах эканоміі спажыўцы звяртаюцца да новых тактык: 62% апытаных прызналіся, што купяць любы тавар са зніжкай незалежна ад брэнда, 37% пераключаюцца на тавары пад прыватнымі маркамі рэтэйлераў, 20% выбіраюць самы танны тавар з прадстаўленых у катэгорыі.

Аднак, са звестак даследавання, адначасова з гэтым спажыўцы ў Расеі апынуліся ў ліку найбольш лаяльных да абраных брэндаў: 61% паспрабуюць новы брэнд толькі пры ўмове росту рэгулярнай цаны на улюбёны, а 70% набываць ўпадабаны прадукт нават не гледзячы на неабходнасць кантраляваць бюджэт - гэта самы высокі паказчык сярод усіх краін, якія бралі ўдзел у даследаванні.

У кантэксце развіцця гэтых трэндаў сярод спажыўцоў таксама ўзмацняецца запыт на больш шырокі асартымент тавараў даступнымі коштамі (пра гэта заявілі 92% апытаных) і магчымасць купляць тавары наўпрост у вытворцы (89%), пры гэтым 63% прызналіся, што гатовыя заплаціць больш высокую цану за тавар высокай якасці, гаворыцца ў даследаванні.

Даследаванне NielsenIQ праводзілася ў форме апытання ў студзені 2021 года сярод больш як 11 тысяч рэспандэнтаў з 15 краін: Аўстраліі, Канады, Францыі, Нямеччыны, Індыі, Японіі, Мексікі, Расеі, ПАР, Гішпаніі, Тайланда, Турцыі, ААЭ, Вялікабрытаніі і ЗША .