У Віцебску пратэстоўцу з анкалогіяй асудзілі на 3 гады і 6 месяцаў калоніі
18- 1.03.2021, 21:42
- 5,122
Абвінаваўчы прысуд агучыла суддзя Таццяна Родзіна.
У Віцебску пратэстоўцу з анкалогіяй асудзілі на 3 гады і 6 месяцаў калоніі агульнага рэжыму. 54-гадоваму Уладзіміру Малахоўскаму інкрымінавалі гвалтоўныя дзеянні супраць міліцыянтаў. Пракурор запатрабавала для Малахоўскага 6 гадоў калоніі, нягледзячы на тое, што ён мае інваліднасць, хварэе на анкалогію і выхоўвае дваіх непаўнагадовых дзяцей, паведамляе viciebskspring.org.
Абвінаваўчы прысуд агучыў суд Першамайскага раёна Віцебска, суддзя - Таццяна Родзіна. Асуджаны павінен выплаціць агулам 3000 рублёў «маральнай кампенсацыі» пацярпелым міліцыянтам - Качыхіну, Емельянову і Пазнякову.
Мужчына сваёй віны не прызнаў.
Працэс над Малахоўскім праходзіў практычна ў закрытым рэжыме. Напрыклад, на спрэчкі бакоў трапіла толькі жонка падсуднага.