У расейскім цырку на паказе пабіліся сланы

Сланы пабіліся пасярод паказу ў Казанскім цырку.

Пра гэта паведамляе тэлеканал «360».

Мяркуючы з кадраў з месца, адзін слон пакаціў другога на бок і рухаў яго хобатам. Дрэсавальнікі пры гэтым спрабавалі іх разбараніць, але ў іх гэта адразу не выйшла. Пры гэтым абедзве жывёліны апынуліся за межамі арэны, проста каля глядацкіх шэрагаў. Наведнікі паспелі разбегчыся і адвесці дзяцей далей. Прычына здарэння пакуль невядомая.

Прадстаўнік цырка паведаміў РІА Новости, што ў выніку інцыдэнту ніхто не пацярпеў. У Казанскім цырку цяпер ідзе праграма «Шоў сланоў і магія цырка».

У лютым сланіха выцяла хобатам дасведчанага супрацоўніка сафары-парку ў гішпанскай правінцыі Кантабрыі ды забіла яго.