Якія дызельныя «аўтаматы» да $ 5 тысячаў могуць набыць беларусы

Ёсць некалькі цікавых аўто.

Заўсёды хочацца ездзіць камфортна і пры гэтым эканамічна. Камфорт можа падарыць машына з дзвюма педалямі замест адной, а эканамічную эксплуатацыю – дызельны матор. Але што рабіць, калі ў кішэні толькі 5000 даляраў? Паглядзім, што прапануе наша база аб'яваў, піша для abw.by Юрый Гладчук.

На самай справе спалучэнне "дызель + аўтамат" не самае распаўсюджанае, асабліва сярод малалітражных аўтамабіляў, хоць у тэорыі гэта вельмі эканамічна. Але калі падымаемся ў больш высокі, то ўжо ў сегменце D і далей з'яўляецца больш варыянтаў з дызельным маторам і аўтаматычнай трансмісіяй. І не заўсёды сустракаецца класічны гідрамеханічны "аўтамат" – часам замест яго "робат".

Як, напрыклад, у выпадку з гэтым Volkswagen Lupo з 1,2-літровым дызельным маторам і "робатам". Машына 2000 года выпуску з прабегам 340000 км прадаецца за 4800 $. Выглядае стылёва. Паказана, што ўсталяваная дарагая акустыка і 16-цалёвыя дыскі. Прычына продажу – пераезд у іншую краіну. Досыць распаўсюджаная апошнім часам прычына, шчыра кажучы.

У аб'яве пазначана, што выдатак складае 1,8–2 літры на 100 кіламетраў па трасе, у горадзе – ад 3 да 4 л. Прадавец шчыра прызнаўся, што рабатызаваная скрынка – слабое месца гэтай мадэлі. "20000 км таму цалкам перабіралася скрынка (у 3L слабое месца). Набывалася ўсё арыгінальнае і новае, хопіць на 150000 км мінімум. Мяняўся поўны камплект счаплення. Усю гісторыю пра машыну ведаю. Надзейная, эканамічная і танная ў абслугоўванні, з добрай дынамікай", – гаворыцца ў апісанні да аб'явы.

Яшчэ адзін эканамічны варыянт – Toyota Yaris з 1,4-літровым дызельным маторам і "робатам". Машына 2006 года з прабегам 215000 км прапануецца роўна за 5000 $.

У аўто ёсць нюансы ў кузаве, якія відаць на фота. Што яшчэ сказана ў аб'яве? "Машына французскай зборкі, у добрым стане, матор без нараканняў, эканамічны выдатак паліва. Увосень мяняўся поўны камплект счаплення, нядаўна перабраў хадавую ззаду, стаяць паветраныя падушкі. Кузаў не ржавы, без ДТЗ. Салон чысты, не пракураны. Бесключавы доступ, заводзіцца з кнопкі, два камплекты кілімкоў. Зімовая і летняя гума".

Паднімаючыся ў класах вышэй, можна знайсці традыцыйны "аўтамат". Але і аб'ём матора будзе большы, адпаведна выдатак вышэйшы. Узровень камфорту таксама вырастае. Так, за 4000 $ прадаецца Citroёn C5 2002 года выпуску з 2,2-літровым дызельным маторам і "аўтаматам". Заяўлены прабег 200000 км.

Традыцыйна ў "французаў" гэтых гадоў досыць багатая камплектацыя. А тут яшчэ і скураны салон... "Гума ў выдатным стане, новы акумулятар на гарантыі, заменены ГРМ, кандыцыянер працоўны. Аўтамабіль у добрым стане, 8 гадоў у адных руках, другі ўладальнік у РБ".

"Лупаты" Mercedes-Benz W210 – гэта яшчэ больш высокі клас. 2,2-літровы дызель, "аўтамат" і нямецкая надзейнасць. Праўда, слабы кузаў... Машына 1999 года выстаўленая за 4700 $.

Мяркуючы з усяго, рухавік пасля капітальнага рамонту: "Матор прайшоў 1000 км, пярэдняя і задняя падвескі ў ідэальным стане, усё новае. Гума зімовая новая, дыскі R17. Усё гарыць, усё свеціцца. Укладанняў не патрабуе".

Можна ўзяць старэйшы "мерс" – W124, які ўжо ўважаецца класікай: 1993 г.в., 2,5-літровы дызельны матор, "аўтамат" і прабег 670000 км. Прадаецца за 3200 $.

Зашмат, але з фота выглядае нядрэнна. "Добры стан, добрая камплектацыя", – лаканічна паказана ў аб'яве.

Peugeot 607 – вельмі камфортны аўтамабіль. А з дызелем і "аўтаматам" яшчэ і эканамічны – выдатак у раёне 5,3 л на 100 км паводле пашпарта на трасе. Машына 2001 года з прабегам 320000 км ацэненая ўладальнікам у 4500 $.

Што паказана ў апісанні да аб'явы? "Машына ў добрым стане, ёсць дробныя недахопы ў кузаве, нядаўна пройдзены тэхагляд. Два камплекты гумы з адліванымі дыскамі: зіма – R16, лета – R17. Зробленае поўнае ТА".

А што параілі б вы? Каб эканамічна, з "аўтаматам" і да 5000 даляраў? Пішыце ў каментарах!