У Польшчы ў ДТЗ трапіў аўтобус з украінцамі: ёсць загінулыя і параненыя
- 6.03.2021, 21:44
- 3,978
Аўтобус зляцеў з эстакады ў кювет.
Уночы 6 сакавіка ў Польшчы аўтобус "Познань - Херсон" з 57 украінцамі трапіў у дарожнае здарэнне. Ён зляцеў з эстакады ў кювет. У выратавальнай аперацыі былі задзейнічаныя пажарныя брыгады і гелікаптэры.
Шэсць чалавек загінулі. Колькасць шпіталізаваных украінцаў, якія пацярпелі ў выніку аварыі ўкраінскага аўтобуса ў Польшчы, узрасла да 35 чалавек. Пра гэта 6 сакавіка паведаміла ў Facebook прэсавая служба пасольства Украіны ў Польшчы, піша gordonua.com.
"На гэты момант у медыцынскіх установах знаходзяцца 35 грамадзян Украіны. Ім ды іхнім сем'ям даецца патрэбная консульская дапамога. Рыхтуецца вяртанне ва Украіну грамадзян, жыццю і здароўю якіх нічога не пагражае. Цяпер яны знаходзяцца ў гатэлі", - паведамілі ў амбасадзе.
У прэсавай службе адзначылі, што на месца здарэння прыехалі работнікі Генеральнага консульства Украіны ў Любліне.