8 траўня 2021, Субота, 16:11
Сім сім, Хартыя 97!
Рубрыкі

Лукашэнку ўважаюць за «збітага лётчыка» да 80% сілавікоў Беларусі

38
Лукашэнку ўважаюць за «збітага лётчыка» да 80% сілавікоў Беларусі
ФОТА: TUT.BY

Узурпатар збанкрутаваў як кіраўнік.

Ад 50% да 80% супрацоўнікаў беларускіх сілавых службаў мяркуюць, што Лукашэнка з'яўляецца «збітым лётчыкам» і ў яго няма перспектыў у палітыцы. Ён «збанкрутаваў як кіраўнік». Пра гэта YouTube-канале «Краіна для жыцця» заявіў экс-супрацоўнік МЗС Беларусі Валерый Кавалеўскі.

Экс-дыпламат, сярод іншага, заявіў, што ўзурпатар дыскрэдытуе сілавікоў, бо прымушае іх выконваць незаконныя загады. Акрамя таго, большасць сілавікоў мяркуе, што Лукашэнка страціў сваю палітычную сілу.

«Настроі (у сілавікоў) такія, што ад 50 да 80 адсоткаў уважаюць Лукашэнку за «збітага лётчыка». Яны не разглядаюць яго як перспектыўнага палітыка. Яны мяркуюць, што ён збанкрутаваў як кіраўнік», - заявіў Кавалеўскі.

Ён растлумачыў, што супрацоўнікі сілавых ведамстваў «звыклі да той сістэмы, у якой яны выраслі і атрымалі прафесійную адукацыю, навыкі». Менавіта праз гэта яны далей выконваюць загады і не могуць імгненна перайсці да «самастойнага мыслення і выбару».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».