Навукоўцы распавялі пра падзел працы сярод старажытных еўрапейцаў

Каб адказаць на гэтае пытанне, даследчыкі з Ёркскага ўніверсітэта прааналізавалі больш за 400 каменных прылад.

Навукоўцы з Вялікабрытаніі прыйшлі да высновы, што падзел працы па палавой прыкмеце з'явіўся яшчэ на світанку неалітычнай эпохі і выконваў, відаць, вырашальную ролю ў станаўленні сельскай гаспадаркі Еўропы.

Праца апублікаваная ў часопісе PLOS One (пераклад - naked-science.ru). Папярэднія даследаванні паказалі, што падзел працы па палавой прыкмеце існаваў у Еўропе, калі пераход да сельскай гаспадаркі ўжо быў ажыццёўлены па ўсім кантыненце. Але заставалася шмат пытанняў аб тым, як менавіта розныя задачы сталі асацыявацца з мужчынамі і жанчынамі.

Каб адказаць на гэтае пытанне, навукоўцы з Ёркскага ўніверсітэта (Вялікабрытанія) прааналізавалі больш за 400 каменных прылад, знойдзеных у магільніках па ўсёй Цэнтральнай Еўропе. Датыроўка прадметаў - каля пяці тысяч гадоў. Даследнікі вывучылі фізічныя характарыстыкі інструментаў, напрыклад мікраскапічныя сляды зносу. Так яны змаглі вызначыць прызначэнне прадметаў і тое, якім чынам іх выкарыстоўвалі. Затым яны прааналізавалі іх з улікам ізатопных і асцеалагічных звестках у кантэксце могільнікаў, у якіх былі знойдзеныя.

Высветлілася, што ў магілы мужчын клалі каменныя прылады, якія да гэтага выкарыстоўвалі для апрацоўкі дрэва, забою жывёлы, палявання або ваенных дзеянняў. У магілах жанчын выявілі прадметы, якія раней ужывалі для апрацоўкі шкур альбо скуры.

Даследнікі адзначаюць, што ролі ў палоў былі рознымі, але разам з тым раўназначнымі і ўзаемадапаўняльнымі. Такім чынам, навукоўцы прыйшлі да высновы, што падзел працы па гендэрнай прыкмеце адыграў вырашальную ролю ў пераходзе да сельскай гаспадаркі. Цікава, што гэтыя звесткі вар'іраваліся у залежнасці ад геаграфіі. Так, навукоўцы выявілі, што на ўсходзе Еўропы жанчыны перамяшчаліся часцей, чым мужчыны, а на захадзе кантынента - наадварот, часцей мігравалі мужчыны.