ЗША плануюць накіраваць караблі ў Чорнае мора праз рост вайсковай прысутнасці РФ

Белы дом мае намер прадэманстраваць Украіне сваю падтрымку.

Злучаныя Штаты разглядаюць магчымасць адпраўкі вайсковых караблёў у Чорнае мора найбліжэйшыя тыдні. Такім чынам Белы дом мае намер прадэманстраваць Украіне сваю падтрымку.

Пра гэта паведамляе CNN са спасылкай на крыніцу ў Міністэрстве абароны ЗША.

Са слоў крыніцы, Вайскова-марскія сілы ЗША і так рэгулярна накіроўвалі туды свой флот, аднак такі крок цяпер будзе азначаць асаблівае пасланне для Расеі.

Прадстаўнік Міністэрства абароны таксама паведаміў, што ВМС працягваюць запускаць выведвальныя самалёты ў мiжнародную паветраную прастору над Чорным морам для назірання за дзейнасцю Вайскова-марскога флоту Расеі і любымі перамяшчэннямі войскаў у акупаваным Крыме.

Хоць ЗША не разглядаюць навалу расейскіх войскаў як спробу наступу, чыноўнік заявіў выданню, што «калі нешта зменіцца, мы будзем гатовыя адказаць».

Паводле бягучых ацэнак Мінабароны ЗША, Расейская Федэрацыя праводзіць вучэнні. Аднак і вучэнні, і выведка не аддала вайсковых загадаў пра далейшыя дзеянні, заявіў чыноўнік, але адзначыў, што ім добра вядома, што яны могуць змяніцца ў любы момант.