У Ганконгу на продаж будзе выстаўлены самы вялікі пурпурова-ружовы дыямент
2- 12.05.2021, 17:00
- 3,254
Чакаецца, што фінальны кошт за ювелірны выраб з ім можа дасягнуць 38 мільёнаў даляраў.
Пра гэта паведамляе сайт «Детали» са спасылкай на CNN.
Пурпурова-ружовы брыльянт, які валодае адразу некалькімі дзіўнымі асаблівасцямі, усталяваны ў пярсцёнак з плаціны. У першую чаргу ўражвае вага гэтага каменя - яна роўная амаль 16 каратам. Для параўнання менш за 10 адсоткаў такіх брыльянтаў маюць вагу, якая перавышае 0,2 карата. Назвалі яго «Сакура» праз падабенства з адценнем кветак гэтага дрэва.
A 15.81-carat diamond could fetch up to $38 million when it goes on sale in Hong Kong next week. https://t.co/hgu3WqRROr
— CNN (@CNN) May 11, 2021
Другая яго асаблівасць - драбнюткія дэфекты на ім можна ўбачыць толькі пры найбліжэйшым разглядзе. Дзякуючы гэтаму камень атрымаў дадатковае імя - «Бездакорны». Такія алмазы рэдка можна кваліфікаваць, як ідэальныя ўнутры праз «залішнюю зярністасць».
Паводле апошніх ацэнак экспэртаў, гэты рэдкі камень можа стаць самым дарагім сярод пурпурова-ружовых брыльянтаў сярод прададзеных на аўкцыёне. На гэты момант рэкорд належыць каменю такога колеру з імем «Духі ружы». Яго прадалі летась на аўкцыёне Sotheby's амаль за 27 мільёнаў даляраў. А вага яго складала 14,8 карата.
Пры гэтым звычайны ружовы брыльянт, без пурпуровага адцення, можа важыць у разы больш і каштаваць даражэй. У 2017 годзе брыльянт вагай 59,6 карат прадалі на аўкцыёне за рэкордныя 71,2 мільёна даляраў.