Вольга Севярынец: На судзе Павел маўчыць, не гаворыць ні-чо-га

Палітык не прызнае лукашэнкаўскага судзілішча.

Вольга Севярынец падзялілася ў сваім «Фэйсбуку» ўражаннямі ад суда над мужам. Паўла Севярынца разам з актывістамі «Еўрапейскай Беларусі» пачалі судзіць 12 траўня ў Магілёве. Працэс закрыты, і ў залу не пускаюць нават родных.

- На працэсе Павел маўчыць. Я ўпэўнена, што ён не гаворыць ні-чо-га і не адказвае на пытанні. Ён падкрэсліваў гэты момант некалькі разоў у лістах, ён так рабіў і ў 2010 годзе. Кажа, што ўсё, што хацеў, сказаў у сваіх кнігах. Гэта вельмі важна для яго. Прашу СМІ і сяброў звярнуць на гэта ўвагу, - напісала Вольга.