Працоўных штурхаюць на страйк: На МЗКЦ і «Гродна Азот» - масавыя скарачэнні

Працаўнікі распавялі пра сітуацыю на прадпрыемствах.

На МЗКЦ і «Гродна АЗОТ» пачынаюць скарачаць супрацоўнікаў. Кіраўніцтва выкарыстоўвае тыя ж метады - прымушаюць звальняцца, альбо шукаюць, за што звольніць. Але часцей проста не падаўжаюць кантракт без тлумачэння прычын, паведамляе «Рабкор».

Вось што паведамляюць працаўнікі аб сітуацыі на прадпрыемствах.

МЗКЦ:

- Цяпер на МЗКЦ ідзе моцная «аптымізацыя», кіраўніцтва прымушае працоўных выконваць чужыя абавязкі. Збіраюцца скарачаць супрацоўнікаў цэха ЦСІА і аддзела якасці прадукцыі. Усе кіраўнікі перапужаныя за свае працоўныя месцы.

«Гродна АЗОТ»:

- На «Гродна Азот» масавыя звальненні. Без тлумачэння прычын не падаўжаюць кантракты некаторым рабочым. Пакуль звальнення толькі сябры БНП, але сказалі, што ніхто не застрахаваны.