У Фінляндыі праз страйк скасаваныя практычна ўсе пасажырскія цягнікі

Страйкам машыністы выказваюць пратэст супраць дзеянняў працадаўцы.

У Фінляндыі амаль усе пасажырскія цягнікі дзяржаўнага возніка VR сёння скасаваныя праз страйк машыністаў. Пра гэта паведамляе «Еўрапейская праўда» са спасылкай на тэлерадыёкампанію Yle.

Забастоўка ўплывае і на рух грузавых цягнікоў. Таксама ўсе прыгарадныя цягнікі транспартнай кампаніі сталічнага рэгіёну HSL скасаваныя. Іх замянілі іншым транспартам, бо аўтобусы, якія курсуюць на лініях, могуць быць перагружаныя.

Страйкам машыністы выказваюць пратэст супраць дзеянняў працадаўцы, які, на іх думку, парушае дзейную працоўную дамову. Машыністы, напрыклад, мяркуюць, што VR прымушае іх працаваць па-за працоўным часам.

Страйк будзе доўжыцца дзень. Машыністы вернуцца да працы ў суботу раніцай.