САЗ не выключае версію аб уцёках каранавіруса з лабараторыі ва Ухані

ЗША і Вялікабрытанія заклікалі САЗ вярнуцца ў Кітай для пошуку крыніцы каранавіруса.

Версія аб тым, што эпідэмію каранавіруса выклікала яго ўцечка з кітайскай лабараторыі ў Ухані, не выключаецца Сусветнай арганізацыяй здароўя.

Пра гэта сказаў старшыня Глабальнай сеткі інфармавання аб успышках захворванняў і рэагавання на іх, якая каардынуецца САЗ, доктар Дэйл Фішэр у эфіры BBC Radio 4, інфармуе The Guardian.

Ён адзначыў, што расследаванне Сусветнай арганізацыі аховы здароўя (САЗ) аб паходжанні віруса толькі пачалося.

Тэорыя ўцечкі з лабараторыі не знятая з парадку дня, але і не даказаная, сказаў ён.

Раней ЗША і Вялікабрытанія заклікалі САЗ вярнуцца ў Кітай для пошуку крыніцы каранавіруса.

СМІ таксама паведамлялі, што выведка Вялікабрытаніі ўважае за праўдападобную версію, што прычынай пандэміі COVID-19 сталі ўцёкі каранавіруса Уханьскага інстытута вірусалогіі ў Кітаі.