У Белавежскай пушчы зноў знайшлі рэдкі грыб

Магчыма, гэта найбольшая папуляцыя ў свеце.

У Белавежскай пушчы выяўлена найбольшая ў свеце папуляцыя рэдкага грыба Osteina rhodophila. Ён расце на «трупах» драўняных грыбоў, распавялі ў нацпарку.

Грыб остэіна расце выключна на старых, адмерлых шматгадовых пладавых целах іншага рэдкага віду — трутавіка ружовага (Fomitopsis rosea), занесенага ў Чырвоную кнігу.

«Геаграфічны статус Osteina rhodophila ўнікальны: на сённяшні дзень у Еўропе гэты від не зафіксаваны нідзе, акрамя Белавежскай пушчы», — адзначылі ў нацпарку.

У нашай пушчы знайшлі ўжо 14 кропак стабільнага пладанашэння гэтага віду. Такое распаўсюджанне тлумачаць строгім рэжымам запаведнасці.

«Остэіне жыццёва неабходны буйнамерны яловы валеж позніх стадый раскладання, ужо засялены трутавіком ружовым, а таксама стабільны мікраклімат. Любыя віды гаспадарчай дзейнасці — санітарныя рубкі або ачыстка лесу ад захламленасці — цалкам разбураюць гэты складаны экалагічны ланцуг», — распавялі ў нацпарку.

Заўважым, што ў Белавежскай пушчы рэгулярна знаходзяць рэдкія грыбы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com