Больш за палову будаўнічых арганізацый Беларусі чакае банкруцтва?

У іх зафіксаваная нястача абарачальных сродкаў.

61,5% прадпрыемстваў будаўніцтва назвалі неспрыяльнай сваю эканамічную кан'юнктуру за люты-красавік 2021 года. 66,5% будаўнічых арганізацый канстатавалі брак абаротных сродкаў, разбірае звесткі Нацбанка realt.by.

Нястачу абарачальных сродкаў у лютым-красавіку 2021 года канстатавалі 56,7% прадпрыемстваў-удзельнікаў маніторынгу (у лістападзе 2020 года - студзені 2021 года - 54,7%). У разрэзе відаў дзейнасці дэфіцыт абарачальных сродкаў адзначылі 53,1% прадпрыемстваў прамысловасці, 53,6% прадпрыемстваў гандлю, 64,3% прадпрыемстваў транспарту і 66,5% будаўнічых арганізацый.

Уплыў умоў крэдытавання на гаспадарчую дзейнасць прадпрыемстваў большасць кіраўнікоў ацанілі як сярэдні (60,3% ад агульнай колькасці ўдзельнікаў апытання). Сярод умоў крэдытавання, пагоршаных за апошнія тры месяцы, змяненне кошту крэдытаў назвалі 21,2% рэспандэнтаў, змяненне ўмоў выдачы крэдытаў - 22,8%.

Эканамічную кан'юнктуру лютага-красавіка 2021 года назвалі неспрыяльнай 61,5% прадпрыемстваў будаўніцтва супраць 47,9% у лістападзе 2020 года - студзені 2021 года, пры гэтым 63,8% кіраўнікоў ацанілі эканамічнае становішча свайго прадпрыемства як прымальнае, як дрэннае - 31,8% (у лістападзе 2020 г. - студзені 2021 г. - 68,9 і 23,9% адпаведна).

Індэкс эканамічных настрояў будаўніцтва:

Ацэнкі кіраўнікоў будаўнічых арганізацый асноўных паказчыкаў фінансава-гаспадарчай дзейнасці прадстаўлены ў табліцы: