Калі ў Беларусі пачнуць прымаць у абітурыентаў дакументы ў ВНУ

Названая дата.

Прымаць дакументы ВНУ у Беларусі пачнуць у абітурыентаў з 20 ліпеня, паведаміла БелТА паводле інфармацыі прадстаўніцы Мінадукацыі.

Са слоў Рэмы Герлоўскай, кансультанткі ўправы вышэйшай адукацыі ДУ прафадукацыі, з 20 ліпеня пачнецца падача дакументаў на бюджэтную і платную формы навучання для абітурыентаў, якім трэба будзе яшчэ здаць унутраныя ўступныя выпрабаванні. Яна ўдакладніла, што ёсць і пэўныя асаблівасці ў тэрмінах прыёму, што звязана з паступленнем на дзённае навучанне на сельгасспецыяльнасці.

- Агульныя тэрміны прыёму дакументаў заканчваюцца 26 ліпеня. Але для тых, хто паступае на сельскагаспадарчыя спецыяльнасці на дзённую форму - 28 ліпеня. Аналагічна і пры падачы дакументаў на платнае навучанне 9 жніўня скончыцца агульны прыём, 10жніўня - апошні дзень для тых, хто паступае на сельгасспецыяльнасці, - патлумачыла Герлоўская.

У гэтым годзе ў Беларусі залічэнне на бюджэт павінна закончыцца да 5 жніўня, а наогул, скончыцца ўступная кампанія - 11 жніўня, пасля залічэння платнікаў.

- У Беларусі ў 2021-м годзе 50 ВНУ ажыццяўляюць прыём больш як на 340 спецыяльнасцяў, адкрыта звыш 20 новых спецыяльнасцяў, з якіх чатыры - абсалютна новыя, - падкрэсліла прадстаўніца Міністэрства адукацыі.