Кацярына Сныціна: Беларусы не заўзеюць за тых, хто іх не падтрымаў

Баскетбалістка падзялілася меркаваннем аб тым, што адбываецца ў беларускім спорце.

Баскетбалістка Кацярына Сныціна падзялілася меркаваннем аб тым, што адбываецца ў беларускім спорце.

«Мне цяпер рэжа слых, калі футбалісты, хакеісты і цяпер баскетбольная каманда кажуць, што мы ў першую чаргу гуляем для заўзятараў. Мне здаецца, зараз у людзей няма цікавасці падтрымліваць нацыянальныя каманды, таму што здарыліся вельмі вялікія рэпрэсіі ў спорце. Гэта закранула практычна кожны тып спорту. І гэтая фраза: «Нацыянальная каманда гуляе для заўзятараў», - яна мне рэжа вуха. Менавіта цяпер каманды гуляюць не для заўзятараў.

Людзі не заўзеюць цяпер за нацыянальныя каманды, яны не заўзеюць за тых, хто іх не падтрымаў - і гэта, у прынцыпе, нармальна», - сказала Сныціна ў эфіры YouTube-канала «Свабода Premium».