Караблі NATO ўвайшлі ў порт Адэсы: уражальныя фота
2- 18.06.2021, 15:31
- 19,862
Караблі ўваходзяць у эскорт найноўшага брытанскага авіяносца «Куін Элізабэт».
Раніцай у пятніцу, 18 чэрвеня, два караблі NATO - брытанскі эсмінец HMS Defender D36 і фрэгат ВМС Нідэрландаў HNMLS Eversten F805 - увайшлі ў адэскі порт.
Пра гэта паведамляе «Думская».
Брытанскі эсмінец а 9:30 сустрэўся з лоцманскім катэрам, а праз паўтары гадзіны прышвартаваўся ля 19-га прычала марскога вакзала.
«Блізу поўдня ля 18-га прычала павінен прышвартавацца фрэгат ВМС Нідэрландаў HNMLS Eversten F805», - гаворыцца ў паведамленні.
Праводку караблёў ажыццявілі буксіры портафлоту «Булат» і «Патрыёт».
Караблі ўваходзяць у эскорт найноўшага брытанскага авіяносца «Куін Элізабет», які выйшаў нядаўна ў кругасветны паход.
Defender абсталяваны артылерыйскай 114-мм устаноўкай Mark 8 Mod, парай 20-мм Mark 15 Phalanx і двума 30-мм «Эрліконамі».
«Ракетнае ўзбраенне - 2×4 пускавыя ўстаноўкі супрацькарабельных ракет «Гарпун» і 48 пускавых установак для ракет «Астэр-15» або «Астэр-30». У ангары два верталёты «Лінкс» альбо адзін «Мерлін», - гаворыцца ў паведамленні.