Украінскія дэпутаты заклікаюць цалкам спыніць дыпламатычныя стасункі з рэжымам Лукашэнкі

Яны таксама заклікалі ўрады краін свету ўвесці персанальныя санкцыі супраць узурпатара і ягоных памагатых.

Міжфракцыйнае аб'яднанне «За дэмакратычную Беларусь» зарэгістравала адпаведную пастанову ў Вярхоўнай Радзе, паведамляе дэпутат Вярхоўнай Рады Украіны Аляксей Ганчарэнка.

Падставай стала тое, што дыктатар дапусціў так званую «Генпракуратуру «ЛНР» правесці допыт затрыманага журналіста Рамана Пратасевіча.

Таксама дэпутаты патрабуюць прызнаць беларускі рэжым пагрозай для міжнароднай бяспекі і заклікаць урады краін свету ўвесці персанальныя санкцыі супраць Лукашэнкі і ягоных памагатых.

«Годзе рабіць выгляд, што з крывавым дыктатарам можна пра нешта дамаўляцца. Наша дзяржава павінна спыніць двухсэнсоўнасць у дачыненні да рэжыму Лукашэнкі», - намагае нардэп Аляксей Ганчарэнка.