Парламент Швэцыі ўпершыню вынес вотум недаверу прэм'ер-міністру

Недавер можа азначаць або абвяшчэнне датэрміновых выбараў, ці толькі адстаўку прэм'ера.

Парламент Швэцыі прагаласаваў за вотум недаверу прэм'ер-міністру Стэфану Левену, супраць прэм'ера прагаласавалі чатыры палітычныя сілы. Пра гэта паведамляе "Еўрапейская праўда" са спасылкай на тэлерадыёкампанію SVT.

За недавер Левену прагаласаваў 181 дэпутат, супраць былі 109. 51 дэпутат устрымаўся.

Такім чынам, Стэфан Левен стаў першым дзейным прэм'ер-міністрам, якому вынеслі вотум недаверу.

Пазней ён дасць прэс-канферэнцыю аб сваіх будучых дзеяннях.

Нагадаем, з ініцыятывай вотуму недаверу асобна выступілі "Левая партыя" і вельмі правыя "Швэдскія дэмакраты". Асноўнай падставай сталі намеры ўрада дазволіць арэндадаўцам свабодна ўстанаўліваць арэндную плату за кватэры ў новабудоўлях.

Недавер можа азначаць або абвяшчэнне датэрміновых выбараў, ці толькі адстаўку прэм'ера.

Урад меншасці Левена - сацыял-дэмакратаў і "зялёных" - прыйшоў да ўлады у 2019 годзе, пасля месяцаў перамоў пасля выбараў 2018 года. Пагадненне паміж палітычнымі сіламі прадугледжвала шэраг ліберальных рынкавых рэформаў.