Сям'я Лукашэнкі, ягоныя «гаманцы», суддзі і прапагандысты: хто трапіў пад санкцыі ЕЗ

Таксама ў чорным спісе апынуўся шэраг прадпрыемстваў.

Некаторыя прозвішчы і назвы кампаній апублікавала беларуская служба «Радыё Свабода».

Суддзі, следчыя і пракуроры

Наталля Бугук - суддзя Фрунзенскага раёна Менска, якая судзіла журналістак «Белсата» Кацярыну Андрэеву і Дар'ю Чульцову.

Аліна Касьянчык - памочніца пракурора Фрунзенскага раёна Менска, якая падтрымлівала абвінавачванне паводле крымінальных спраў супраць удзельнікаў дэманстрацый.

Ігар Курыловіч - старшы следчы Следчага камітэта Фрунзенскага раёна Менска, які займаўся расследаваннем спраў супраць удзельнікаў дэманстрацый.

Сяргей Шаціла - суддзя Савецкага раёна Менска, які судзіў, дарэчы, Наталлю Хершэ, Змітра Галко і Дзмітрыя Караткевіча.

Анастасія Ачалава - суддзя Ленінскага раёна Менска, якая судзіла журналістаў, пратэстоўцаў, пенсіянераў і, зрэшты, эканаміста Дзмітрыя Крука.

Марыя Ярохіна - суддзя Фрунзенскага раёна Менска, якая абвяшчала выракі спартоўцам, прафсаюзным дзеячам, журналістам.

Юлія Блізнюк - суддзя Фрунзенскага раёна Менска. Выносіла прысуды супраць журналістаў, актывістаў, якія пратэставалі. Напрыклад, Арцёму Хвашчэўскаму, Арцёму Саўчуку, Максіму Паўлюшчыку.

Анастасія Кулік - суддзя Першамайскага раёна Менска, якая разглядала «палітычныя справы».

Максім Трусевіч - суддзя Першамайскага раёна Менска, які разглядаў справы актывістаў, лідараў апазіцыі, журналістаў.

Таццяна Мотыль - суддзя Маскоўскага раёна Менска, якая судзіла Мікалая Статкевіча, журналіста Аляксандра Баразенку.

Аляксандр Рудэнка - намеснік старшыні Кастрычніцкага суда Менска. Разглядаў справы супраць журналістаў, актывістаў. Дарэчы, прызначаў штрафы пенсіянерам і інвалідам, разглядаў адміністрацыйную справу адваката Марыі Калеснікавай Людмілы Казак.

Аляксандр Воўк - суддзя Савецкага раёна Менска. Разглядаў справы дэманстрантаў. Напрыклад, абвяшчаў пастанову паводле крымінальнай справы сясцёр Анастасіі і Вікторыі Міронцавых.

Вольга Няборская - суддзя Кастрычніцкага раёна Менска, якая разглядала справу Сафіі Малашэвіч і Ціхана Клюкача.

Марына Запаснік - намесніца старшыні суда Ленінскага раёна Менска. Прысуды: Уладзіславу Зяневічу, Вользе Паўлавай, Вользе Класкоўскай, Віктару Барушку, Сяргею Раткевічу, Аляксандру Чэрвінскаму, Андрэю Хранкову, студэнту Віктару Актыставу, непаўнагадоваму Максіму Бабічу.

Максім Філатаў - суддзя ў Лідзе, Гарадзенскай вобласці, які судзіў, зрэшты, Вітольда Ашурка.

Андрэй Грушко - суддзя Ленінскага раёна Берасця, які разглядаў справу другой групы абвінавачаных аб масавых беспарадках у Берасці.

Дзмітрый Гара - старшыня Следчага камітэта.

Аляксей Стук - намеснік генеральнага пракурора.

Генадзь Дыско - намеснік генеральнага пракурора.

Чыноўнікі, функцыянеры, бізнэсоўцы

Максім Рыжанкоў - першы намеснік кіраўніка Адміністрацыі Лукашэнкі.

Дзмітрый Лукашэнка – бізнэсовец, кіраўнік лукашэнкаўскага спартыўнага клуба.

Лілія Лукашэнка - бізнэс-лэдзі, жонка Віктара Лукашэнкі, дырэктарка мастацкай галерэі. Звязаная з такімі кампаніямі, як Dana Holdings/Dana Astra, канцэрн «Белмастацпромыслы», «Eastleigh trading Ltd».

Валерый Іванковіч - гендырэктар «МАЗ».

Аляксандр Шатроў - бізнэсовец, дырэктар кампаніі Synesis.

Сяргей Цяцерын - бізнэсовец, уладальнік кампаніі BELGLOBALSTART, суўладальнік VIBEL. Кіраўнік Беларускай федэрацыі тэніса.

Міхаіл Гуцарыеў - расейскі бізнэсовец з інтарэсамі ў Беларусі, уладальнік кампаніі «Сафмар», «Слаўкалій», «Слаўнафта».

Аляксей Алексін - бізнэсовец, суўладальнік Bremino Group. Мае дзелавыя інтарэсы ў нафтавай, энэргетычнай сферах, нерухомасці, лагістыцы, тытунёвай галіне.

Алесь Зайцаў - бізнэсовец, суўладальнік Bremino Group І Sohra Group. Былы памочнік Віктара Лукашэнкі. Ягонай кампаніі нададзенае права на экспарт прадукцыі дзяржаўных прадпрыемстваў (трактары, грузавыя аўтамабілі) у Персідскую затоку і краіны Афрыкі.

Так званыя дэпутаты

Святлана Любецкая - адказвае за прыняцце новага Кодэкса аб адміністрацыйных правапарушэннях.

Аляксей Ягораў - адказны за прыняцце новага КоАП.

Аляксандр Амельянюк - адказны за прыняцце новага КоАП.

Генадзь Давыдзька - кіраўнік Камітэта ў правах чалавека, нацыянальных дачыненнях і СМІ.

Прапагандысты

Андрэй Мукавозчык - палітычны аглядальнік «Беларусь сегодня».

Сяргей Гусачэнка - намеснік кіраўніка «Белтэлерадыёкампаніі».

Вольга Чэмаданава - афіцыйная прадстаўніца МУС.

Кампаніі

ЕЗ таксама ўвёў санкцыі супраць юрасоб: «Белтэхэкспарт», «Дана Холдынгс/Дана Астра», «Кіраўніцтва спраў прэзідэнта Беларусі», «Сінезіс», «АГАТ - электрамеханічны завод», «140-ы рамонтны завод», «Менскі завод колавых цягачоў».