Украіна ўпершыню ў гісторыі выйшла ў плэй-оф Еўра
19- 23.06.2021, 21:07
- 18,694
Згуляць у плэй-оф украінцам дазволіла параза палякаў і перамога гішпанцаў.
Каманда Швэцыі з лікам 3:2 перамагла каманду Польшчы ў матчы трэцяга тура групавога этапу чэмпіянату Еўропы і выйшла ў плэй-оф турніру з першага месца ў квартэце Е.
Дублем у складзе пераможцаў адзначыўся Эміль Форсбэрг (2-я, 59-я хвіліны), яшчэ адзін гол забіў Віктар Класон (90 + 4), у палякаў вызначыўся Роберт Левандоўскі (61, 84).
Каманда Украіны прабілася ў плэй-оф чэмпіянату Еўропы-2020. Украінцы закончылі групавы этап мінімальнай паразай ад нацыянальнай каманды Аўстрыі, тым самым саступіўшы ёй другі радок і заняўшы выніковае трэцяе месца ў квартэце «C». У матчы з аўстрыйцамі «сіне-жоўтых» задавальняла нават нічыя.
Параза палякаў і перамога гішпанцаў дала магчымасць у плэй-оф згуляць Украіне.
У матчы Славакіі і Гішпаніі Украіну не задавальняла нічыя. Пажадана было, каб перамога была здабытая любым з гэтых калектываў з розніцай у два мячы. Тады Украіна атрымлівала відавочную перавагу ў розніцы забітых і прапушчаных мячоў і праходзіла ў плэй-оф у гэтым паказчыку. Украінцаў магла задаволіць і перамога ў адзін мяч, калі паядынак Славакіі і Гішпаніі апынуўся б безвыніковым. Гішпанцы ж распляжылі славакаў - 5:0.
Польшча не павінна была атрымаць перамогу над Швэцыяй. У выпадку вікторыі палякаў каманда Украіны пакідала б ЧЕ-2020 ды зрэшты, як і ў выпадку нічыйнага выніку ў матчы Славакія - Гішпанія. Швэды вырвалі перамогу ў гульні з палякамі - 3:2.
Такім чынам, каманда Шаўчэнкі выперадзіла ў рэйтынгу каманды, якія занялі ў сваіх групах трэція месцы, Славакію і Фінляндыю.