«Спадарожнік» накіраваў зварот у АБФФ аб зняцці з чэмпіянату Беларусі ў футболе

Пастанова будзе прынятая 28 ліпеня.

У АБФФ паступіў зварот, у якім футбольны клуб «Спадарожнік» паведаміў, што ў сувязі з існай фінансавай сітуацыяй каманда вымушаная спыніць удзел у чэмпіянаце Беларусі, паведамляе «Трибуна».

Адзначым, што згодна з пунктам 3.13 Рэгламенту чэмпіянату Рэспублікі Беларусь у футболе, футбольны клуб падчас чэмпіянату можа быць выключаны са складу яго ўдзельнікаў пастановай Выканкама АБФФ у выпадку добраахвотнай адмовы.

Згодна з пунктам 3.16 Рэгламенту чэмпіянату Рэспублікі Беларусь у футболе, калі каманда клуба, выключанага з чэмпіянату вышэйшай лігі, правяла менш за 50 адсоткаў матчаў у чэмпіянаце, то вынікі анулююцца. У выпадку правядзення 50 адсоткаў матчаў і больш камандзе залічваюцца паразы ў пакінутых матчах з лікам 0:3, а ўсім камандам-спаборніцам прысуджаюцца перамогі з лікам 3:0.

У сезоне 2021 года «Спадарожнік» правёў 15 з 30 матчаў чэмпіянату і размяшчаецца на 16-м месцы турнірнай табліцы з 7 набранымі баламі.

Пытанне аб сітуацыі, якая склалася, будзе разгледжанае на найбліжэйшым пасяджэнні выканкама АБФФ, які адбудзецца 28 ліпеня 2021 года.

Адзначым, 1 чэрвеня 19 прадстаўнікоў «Спадарожніка» падпісалі праўладны ліст.