Навукоўцы назвалі самы карысны для сасудаў сэрца алей
7- 20.07.2021, 15:02
- 13,004
Даследаванне правялі спецыялісты з Гарварда.
Усяго паловы сталовай лыжкі аліўкавага алею дастаткова, каб знізіць рызыку сардэчнага прыступу на адну пятую. Як адзначае The Daily Mail (пераклад - u-news.com.ua), пра гэта кажуць навукоўцы з Гарварда, якія даследавалі стан здароўя амаль 100 000 чалавек цягам 24 гадоў.
Было даведзена: аліўкавы алей адназначна карысны для здароўя сэрца. У гэтым алеі ёсць алеінавая кіслата, якая памяншае запаленне. Уплыў аліўкавага алею параўноўвалі з іншымі расліннымі алеямі (кукурузным, рапсавым, сафлоравым і соевым). Такім чынам, выявілася, спажыванне больш за палову сталовай лыжкі аліўкавага алею на дзень зніжала рызыку ўзнікнення сэрцава-судзiнных захворванняў на 15%. Гэтая практыка, напрыклад, зніжала рызыку ішэмічнай хваробы сэрца на 21%.
Даследнікі таксама выявілі, што замена адной чайнай лыжкі іншага алею, маргарыну, маянэзу або малочнага тлушчу на такую ж колькасць аліўкавага алею можа палепшыць здароўе сэрца - рызыка сэрцава-судзінных захворванняў зніжалася на 5% агулам, а рызыка ішэмічнай хваробы сэрца - на 7%.
У аліўкавым алеі змяшчаюцца антыаксіданты, якія могуць дапамагчы прадухіліць ці запаволіць рост ракавай пухліны, абараніць ад сардэчных прыступаў і інсультаў. Аліўкавы алей памяншае ступень шкоднага ўздзеяння халестэрыну, высокага артэрыяльнага ціску і ўзроставых захворванняў, а таксама паляпшае кагнітыўныя функцыі.