У ЕЗ больш за палову дарослых завяршылі вакцынацыю ад каранавіруса

Пра гэта заявіла прэзідэнт Еўракамісіі.

У ЕЗ ужо больш за 200 мільёнаў дарослых завяршылі вакцынацыю ад каранавіруса.

Як паведамляе «Европейская правда», пра гэта заявіла прэзідэнт Еўракамісіі Урсула фон дэр Ляен.

«Больш за 200 млн дарослых у Еўразвязе ўжо цалкам прышчэпленыя. Гэта амаль 55% дарослага насельніцтва ЕЗ», - заявіла яна ў сваім Twitter.

Прэзідэнт Еўракамісіі адзначыла, што вялікія паказчыкі вакцынацыі дапамогуць абараніцца ад новых штамаў каранавіруса і даюць шанцы пазбегнуць чарговай хвалі эпідэміі.

10 ліпеня яна адзначала, што краіны ЕЗ ужо атрымалі досыць вакцыны для прышчэпкі 70% свайго дарослага насельніцтва, што налічвае амаль 366 мільёна чалавек.

Паводле апошніх звестак Еўракамісіі, прынамсі першай дозай у краінах ЕЗ прышчэплены 68,4% дарослых.

Як паказвае мапа Еўрапейскага цэнтра папярэджання і кантролю захворванняў (дзе паказчыкі крыху адстаюць ад звестак, прыведзеных ЕК), лепш за ўсё вакцынацыя прасоўваецца ў Заходняй і Паўночнай Еўропе. Больш за ўсё адстаюць ад астатніх Румынія і Балгарыя. У апошні прышчэпленых першай дозай - блізу 18%, а завяршыла вакцынацыю амаль 16% дарослага насельніцтва.