Вясковец пайшоў з сякерай на міліцыянтаў у Кобрынскім раёне
12- 26.07.2021, 14:53
- 30,078
Просьбы кінуць зброю ён ігнараваў.
Інцыдэнт адбыўся 18 ліпеня. Як паведамляе УУС Берасцейскага аблвыканкама, у Кобрынскі РАУС патэлефанавала жыхарка аграгарадка Павіцце. Яна паскардзілася на тое, што яе збіў муж.
На месца выехалі інспектар ДАІ і ўчастковы. Мужчыны не было дома. Аднак праз некаторы час ён прыехаў на матацыкле. Убачыўшы службовы аўтамабіль, наважыў схавацца.
Міліцыянт дагнаў яго ў суседнім двары. Ён выйшаў з сякерай з хлява і накіраваўся да супрацоўніка. Просьбы кінуць зброю ігнараваў, пакуль не з'явіўся табельны пісталет.
На мужчыну надзелі кайданкі, у паветры, якое ён выдыхаў, зафіксавана 2,3 праміле алкаголю.
Распачатая крымінальная справа.