Юлію Чарняўскую пакінулі пад хатнім арыштам

Сілавікі прыйшлі да ўдавы Юрыя Зісера 18 траўня, праз дзень пасля першай гадавіны з дня смерці яе мужа.

Следства не змяніла меру стрымання ўдаве Юрыя Зісера Юліі Чарняўскай, якая знаходзіцца пад хатнім арыштам паводле «справы tut.by». Пра гэта паведаміла Zerkalo.io яе адвакат.

Хадайніцтва аб змене меры стрымання абарона падала 6 ліпеня. Адвакат прапаноўвала адпусціць Юлію Чарняўскую з-пад хатняга арышту пад паручыцельства і падпіску аб нявыездзе. Дагэтуль пісьмовага адказу на адрас абароны не паступіла.

«Паколькі ў выпадку задавальнення хадайніцтва выконваюцца тыя дзеянні, аб здзяйсненні якіх просіць асоба, што заявіла хадайніцтва, а Юлія Чарняўская па-ранейшаму недаступная кантакту з блізкімі і роднымі, гэта азначае, што пастанова аб задавальненні хадайніцтва следствам на гэтым этапе не прынятая», - паведаміла адвакатка.

Мера стрымання можа быць змененая ў любы момант на ініцыятыву следства. Адмова ў задавальненні хадайніцтва не замінае заявіць яго паўторна.

«Магчыма, следствам не выкананы яшчэ неадкладныя следчыя дзеянні, якія дазвалялі б весці гаворку пра магчымасць змены меры стрымання на гэтым этапе. Аднак мы вельмі разлічваем, што ў далейшым у следства не будзе падстаў для пакідання Юліі Чарняўскай пад хатнім арыштам з улікам яе стану здароўя і таго факту, што яна аб'ектыўна не створыць ніякіх перашкод для правядзення следства», - уважае абарона.

Сілавікі прыйшлі да Юліі 18 траўня, праз дзень пасля першай гадавіны з дня смерці яе мужа, заснавальніка tut.by Юрыя Зісера. У дзень узяцця Юліі пад хатні арышт у яе адбыўся гіпэртанічны крыз. Яна страціла прытомнасць і была дастаўлена ў бальніцу, дзе ёй аказалі экстранную медычную дапамогу. Гэта прывяло да таго, што раней дыягнаставаная ў яе рызыка 3 артэрыяльнай гіпертэнзіі другой ступені змянілася на рызыку 4 - самую высокую з існых.

Акрамя таго, Юлія пакутуе бранхіяльнай астмай, сур'ёзнымі захворваннямі сардэчна-сасудзістай сістэмы. Пасля перанесенага ў 2009 годзе цяжкага пералому ступні і вельмі складанай аперацыі ў шосты ГКБ, калі яна паўгода магла перамяшчацца па хаце толькі на інвалідным вазку, Юлія адчувае пастаянныя моцныя болі ў левай назе. Акрамя таго, маюцца і іншыя сур'ёзныя праблемы з захворваннямі апорна-рухальнага апарата з выяўленым болевым сіндромам.

Нагадаем, раніцай 18 траўня дамоў да некаторых супрацоўнікаў tut.by прыйшлі супрацоўнікі ДФР. Сілавікі таксама прыйшлі ў офіс кампаніі tut.by у будынку Omega Tower.

Камітэт дзяржкантролю паведаміў, што ў дачыненні да службовых асоб tut.by распачатая крымінальная справа паводле прыкмет складу злачынства, прадугледжанага ч. 2 арт. 243 КК (Ухіленне ад выплаты сум падаткаў, збораў у асабліва буйных сумах). У 2019 годзе кампаніяй атрыманы статус рэзідэнта Парка высокіх тэхналогій (ПВТ). Паводле звестак Дэпартамента фінансавых расследаванняў, tut.by атрымаў даход, «не абумоўлены дзейнасцю, дазволенай для рэзідэнтаў ПВТ».

Мінінфарм абмежаваў доступ да інтэрнэт-рэсурсаў tut.by.

На сённяшні дзень паводле справы tut.by затрыманыя 15 супрацоўнікаў: Людміла Чэкіна, Марына Золатава, Вольга Лойка, Алена Талкачова, Анжэла Асад, Ірына Рыбалка, Марыя Новік, Ала Лапатка, Аляксандр Дайнэка, Андрэй Аўдзееў, Сяргей Павалішаў, Дар'я Данілава, Кацярына Ткачэнка , Ірына Касцючэнка і Юлія Чарняўская.