Польшча дапаможа Літве справіцца з наплывам мігрантаў, якія прыбываюць праз Беларусь

Пра гэта заявіў кіраўнік МЗС Польшчы.

Польшча дапаможа Літве справіцца з наплывам нелегальных мігрантаў, якія прыбываюць праз тэрыторыю Беларусі. Пра гэта заявіў кіраўнік польскага МЗС Збігнеў Раў падчас свайго візіту ў Вільню, паведамляе «Радыё Польшча».

Міністр замежных спраў Польшчы дадаў, што маштабы наплыву нелегальных мігрантаў цераз Беларусь уяўляюць сабой праблему не толькі для Літвы, але і для ўсяго Еўразвязу.

«Гэтая праблема заключаецца ў тым, што мігрантам з Блізкага Усходу прапануюць прыязджаць у Беларусь, адтуль ім дапамагаюць дабрацца да беларуска-літоўскай мяжы і паказваюць месцы, дзе яны гэтую мяжу могуць у меру бяспечна для сябе перасекчы», - сказаў Збігнеў Раў.

Мігранты, незаконна перасякаюць беларуска-літоўскую мяжу, у асноўным прыбываюць з Ірака. Толькі сёлета з Беларусі ў Літву нелегальна прыбыла амаль 1300 чалавек, што ў некалькі разоў больш, чым за ўвесь папярэдні год. Вільня лічыць, што гэта форма гібрыднай вайны, за якой стаіць рэжым Аляксандра Лукашэнкі.