Дырэктар «БелВітуніфарм» публічна прынізіў Сінепалага

Відэафакт.

Дырэктар ААТ «БелВітуніфарм» Сяргей Бальшакоў падчас наведвання прадпрыемства падарыў Сінепаламу спрэй ад апёкаў і парэзаў. «Раней была зялёнка, ёд...», - сказаў ён і прэзентаваў прэпарат.

Лукашэнка спрэем зацікавіўся і нават вырашыў пырснуць на свае пальцы. «На вас, можа, не трэба...», - папярэдзіў Бальшакоў. Прэпарат быў сіняга колеру. Ён адразу ж пакінуў след на руках Лукашэнкі і не адціраецца.

У лістападзе 2019 года Лукашэнка заявіў, што возьме ўдзел у маючых адбыцца выбарах кіраўніка дзяржавы. Але адзначыў, што не пакрыўдзіцца, калі яго не падтрымаюць.

«Калі буду адчуваць, што вы катэгарычна супраць, вядома, буду перажываць, але тым не менш вы павінны маю кандыдатуру адхіліць на выбарах. І я паабяцаў, што сінімі пальцамі за крэсла трымацца не буду. Паверце, гэта не зусім мяккае крэсла».

Пазней ён не раз казаў пра «сінія пальцы».

«Вось што мяне больш за ўсё турбуе. Не ўлада, як у Расеі некаторыя кажуць: «Лукашэнка ссінелымі пальцамі трымаецца за ўладу», - заявіў Лукашэнка.