Беларусаў адправяць ваяваць у Сірыю?

Прадстаўнік Мінабароны РФ дапусціў далучэнне гэтай краіны ў АДКБ.

Сірыя можа быць уключана ў Арганізацыю Дамовы аб калектыўнай бяспецы (АДКБ), калі гэта будзе выгадна ёй і дзяржавам арганізацыі. Пра гэта паведаміў начальнік Галоўнага вайсковай палітычнай управы Мінабароны РФ Андрэй Картапалаў у эфіры радыёстанцыі «Говорит Москва».

«Чаму б не? Па-першае, статут не догма, ён павінен адпавядаць непасрэдна абстаноўцы, калі гэта будзе выгадна ўсім, і Сірыі, і партнёрам з АДКБ, я не выключаю такую магчымасць», - сказаў Картапалаў.

Цяпер членамі АДКБ з'яўляюцца шэсць дзяржаў: Арменія, Беларусь, Казахстан, Кыргызстан, Расея і Таджыкістан.

Дамова аб калектыўнай бяспецы (ДКБ) была падпісаная 15 траўня 1992 г. у Ташкенце кіраўнікамі Арменіі, Казахстана, Кыргызстана, Расеі, Таджыкістана і Узбекістана. У 1993 годзе да іх далучыліся Азербайджан, Грузія і Беларусь. Дамова ўвайшла ў дзеянне 20 красавіка 1994 года тэрмінам на пяць гадоў. 2 красавіка 1999 года Азербайджан, Грузія і Узбекістан адмовіліся падпісваць пратакол аб прадаўжэнні тэрміну яе дзеяння. Узбекістан аднавіў сяброўства ў жніўні 2006 года, у снежні 2012 года выйшаў з дамовы.