Памёр працоўны кавальскага цэха МТЗ, які трапіў пад прэс

Майстру было 36 гадоў.

Працоўнага заціснула паміж сценкамі барабана здраблення ў кавальскім цэху Менскага трактарнага завода. Ён загінуў, паведамляе прэс-служба МНС.

20 жніўня а 16.28 у МНС паступіла паведамленне, што паміж сценкамі барабана здраблення ў кавальскім цэху МТЗ у Менску заціснула мужчыну.

Ратавальнікі выцягнулі з барабана цела 36-гадовага мужчыны.

«Прычына інцыдэнту - парушэнне правілаў бяспекі загінулым», - гаворыцца ў паведамленні МНС.

Як паведамляе тэлеграм-канал БАР (Беларускае аб'яднанне рабочых), загінулы займаў пасаду майстра кавальскага цэха тэрмічнага ўчастка.

«У выніку здарэння загінуў Аляксандр Трушчанка 1985 года нараджэння. Ён займаў пасаду майстра кавальскага цэха тэрмічнага ўчастка», - паведаміў тэлеграм-канал.