Хунта трапіла ў эканамічнае тарнада

З кожным днём у Сінепалага ўсё менш грошай і сіл, ён робіць усё больш памылак.

- Дэмантаж сістэмы адбываецца даўжэй па часе, але паводле вынікаў гарантавана лепш, чым хуткая і лёгкая рэвалюцыйная перамога, - піша тэлеграм-канал «Гані быкоў».

Хунта выразна дала зразумець абсалютнай большасці беларусаў, што ёсць мы, а значыць, яны.

Мы жывём у розных мірах. Яны знішчылі закон, знішчылі права, забілі і катавалі мірных людзей, працягваюць нарошчваць узровень бясчынства. У людзей толькі адзін эфектыўны шлях - поўны дэмантаж іх улады.

Мы ўжо зразумелі, як гэта быць «адзін за ўсіх, і ўсе за аднаго», псіхалогія людзей змянілася, а значыць, мы працягваем знішчаць злачынную сістэму.

Надыходзячае эканамічнае тарнада ўжо ставіць акупацыйную хунту перад складаным выбарам:

- спыняць плаціць запазычанасці і яшчэ больш выглядаць незаможнымі на сусветнай арэне;

- спыняць падтрымку стратных заводаў, якія за 26 гадоў «геніяльнага» ўпраўлення добра, калі працуюць у нуль;

- пачынаць вырашаць, каму са сваіх бюджэтнікаў даваць падсілкоўванне, а каго адпраўляць на падножны корм.

З кожным днём у рэжыму ўсё менш грошай, сіл і матывацыі, таму яны робяць усё больш памылак і скочваюцца ў адкрытае беззаконне.

Менавіта гэтыя памылкі даюць нам права будаваць тую Беларусь, якую мы заслугоўваем. Без усялякай аглядкі на тых, хто сёння пакуль што яшчэ працягвае сядзець у сваіх нелегітымных крэслах.

Беларусь Жыве! Беларусь змагаецца!